Хуберт Шајлс (68) е сопственик на градежна компанија во Германија, а за време на неодамнешните поплави се однесуваше како вистински херој. Имено, германските медиуми пишуваат дека Шајлс се спуштил под браната на реката Штајнбах, во моментот кога сите помислиле дека таа ќе пукне и ќе однесе сè наоколу.
Потоа со багер ги ослободил запушените цевки за водата да може да тече на контролиран начин. Станува збор за брана висока дури 18 метри на западот од Германија, така што може да се каже дека Хуберт спречил уште поголема катастрофа со своите постапки.
„Не можев да ставам никого (од моите вработени) во ризик да одат таму. Ми беше јасно што треба да направам. И со Божја помош, тоа успеа. Сега не сакам пофалби, сите други би го сториле истото“, рече тој за „Франкфуртер алгемајне“.
Hubert Šiles (68), gazda jedne građevinske firme, spustio se pod branu na reci Štajnbah, grdosiju visine 18 metara na zapadu Nemačke, u trenutku kada su svi mislili da će pući i odneti sve okolo, i bagerom oslobodio zapušene cevi da voda može da teče kontrolisano. pic.twitter.com/YT1xaeUGPO
— Nemanja Rujević (@strani_placenik) July 20, 2021
Армин Лачет, лидер на партијата ЦДУ и премиер на една од сојузните држави погодени од поплавите, рече дека браната Штајнбах е дизајнирана да управува со ризикот од поплави што ќе се случуваат еднаш во 10 000 години, пренесува The National news.
„Беше надминато во последните неколку дена. Никој не би помислил дека ова е можно во оваа мера“, рече тој.
Тој исто така го пофали Шајлс.
„Тоа беше опасна по живот задача. Тој рече дека ќе го преземе тој ризик и ќе ја одблокира цевката за да може водата да помине. Човекот покажа граѓанска храброст и посветеност во ургентниот час, што ни помогна тука и на многу други места“, додаде тој.
Во понеделникот, Лашет ја посети браната со германскиот министер за внатрешни работи. Додека спасувачите трагаа по телата, а полицијата ги надгледуваше жалостите кои ги напаѓаа загрозените домови, се поставуваа прашања дали властите навремено ги предупредиле луѓето на опасност.
Метеоролозите предвидуваа врнежи од дожд, но повеќето дождови пристигнаа среде ноќ, па затоа многу жители не беа подготвени за ситуацијата што следеше после тоа.