Лео Меси ја напушти Барселона по 21 година бидејќи каталонскиот клуб не можеше да му понуди нов договор поради финансискиот фер -плеј.
Барселона го победи Јувентус со 3:0 во пријателски натпревар во неделата, но ситуацијата во соблекувалната е далеку од идеална.
Ова го потврди еден од капитените на Барселона, Жерар Пике.
„Не беше еден од најдобрите денови … Знаевме дека тоа треба да се случи еден ден, но тоа навистина влијаеше на тимот, особено на нас кои со години ја делевме соблекувалната. Тој е најдобриот играч во историјата и на ниво на талент повеќе нема да бидеме исти, но затоа мора да растеме како тим во сите други аспекти. Зборуваме за најдобриот играч на сите времиња. Вие не сте и не можете да останете на исто ниво на талент и магија кога ќе го загубите најдобриот играч на сите времиња. Губите важен адут во нападот што ви носи многу голови и асистенции, а во исто време треба да останете конкурентни“, рече Пике, но исто така најави и борби за трофеи.
„Тимот ќе мора да се прилагоди, но работите ќе се решат. Ние сме Барса и на крајот ќе се бориме за титули“, додаде тој.