Барселона остана без Лео Меси во прилично шокантен пресврт и сега остана голема празнина на неговата позиција.
Покрај сите финансиски проблеми, каталонскиот клуб мора да се обиде да најде замена за најдобриот фудбалер во својата историја.
Компанијата Olociip, која се занимава со развој на вештачка интелигенција, започна анализа според која идеална замена за таа позиција би била Мемфис Депај.
Според пресметката на софтверот, Депај има 73 проценти сличности со Аргентинецот, така што нема да може целосно да го замени.
Компјутерот пресмета дека ако Депај одигра максимална минутажа на шампионатот, ќе постигне 14 или 15 гола и ќе има седум или осум асистенции.
За споредба, Меси минатата сезона постигна 30 гола и додаде 11 асистенции.
Депај пристигна во Каталонија како голема желба на Роналд Куман, кој инсистираше да го доведе на клупата од неговото доаѓање.