Талибанците го зазедоа вториот по големина авганистански град Кандахар, соопштија денеска властите.
„По жестоките судири доцна синоќа, Талибанците ја презедоа контролата врз Кандахар“, изјави локален претставник откако милитантите објавија дека градот е под нивна контрола.
Владините сили се уште го контролираат аеродромот во Кандахар, каде што беше втората по големина американска база во Авганистан за време на дваесетгодишната мисија.
Конфликтот во Авганистан ескалираше во мај кога американските сили ја започнаа последната фаза од повлекувањето на армијата, која треба да заврши следниот месец по 20 години окупација.
За помалку од седум дена, Талибанците зазедоа неколку провинциски престолнини и го опколија најголемиот град во северен Авганистан, Мазари Шариф.