Анхел ди Марија зборуваше за многу актуелни теми и идни планови, а не ја пропушти можноста да го „пецне“ Кристијано Роналдо.
Прво, тој објасни како тоа го прави Меси и како се изгледа од перспектива на неговите соиграчи.
„Лесно ми е да играм со Лео. Ако се движиш напред, тој ја додава топката директно до вашите нозе. Нема оправдувања. Имам одлични односи со него и на теренот и надвор од него. Брзо сфаќаш што му се допаѓа. Лео не е од овој свет, размислува однапред, ве наоѓа со совршена топка, тоа никогаш не сум го видел. Играв со Роналдо, Нејмар, Мбапе, Руни, Ибрахимовиќ, Бензема и ви велам дека никогаш не сум видел такво нешто. Меси е единствен“, започна Ди Марија за „TyCsport“.
Аргентинецот зборуваше и за Кристијано Роналдо.
„Кристијано најверојатно сака да се самоубие бидејќи не е тука. Големината и бројот на играчи што ги има ПСЖ во моментов е нешто уникатно. Се случуваше порано еден клуб да има одлични играчи, но никогаш толку многу од најдобрите на едно место. Роналдо сигурно сакаше да биде тука, но за среќа го донесоа Меси“.
Во текот на летото се појави фотографија на која Меси беше со Верати, Ди Марија и Нејмар, новите соиграчи во Париз.
„Кога беше направена таа фотографија, се беше завршено со Барселона. Лео ни го кажа тоа кога се видовме. Се шегувавме со него дека треба да ни се придружи, тој ни рече дека ќе потпише за Барса. Потоа во петокот ми испрати порака дека ќе се обиде да дојде во Париз. Тоа беа навистина тажни денови за него, се се промени толку брзо, но сега тој е многу среќен овде“.