Американскиот технолошки гигант „Apple“ го одложи враќањето на персоналот во канцелариите најрано до јануари, поради стравувањата од зголемените случаи на „Ковид“.
Вработените беа известени за одлуката во меморандумот на компанијата во четвртокот, за што првпат објавија Блумберг њуз.
Фирмата им кажа на вработените дека ќе ги потврди плановите еден месец однапред и ги советуваше да се вакцинираат.
Apple претходно повика персоналот да се врати во канцелариите до почетокот на септември, пред да го смени тоа во октомври.
Кога ќе се бара да се вратат, ќе се очекува да работат во канцеларија најмалку три дена во неделата.
Според „Блумберг“, „Apple“ соопшти дека не планира да ги затвори своите канцеларии или продавници.
Сепак, агенцијата исто така рече дека една продавница на Apple во Чарлстон, Северна Каролина, била затворена откако повеќе од 20 вработени или биле позитивни на „Ковид“ или биле изложени на вирусот.
Се вели дека некои други американски продавници го намалиле работното време поради болен или самоизолирачки персонал.
И други светски компании ги искажаа своите планови за враќање на вработените.
Google објави дека ќе го одложи враќањето во канцелариите до 18 октомври.
Компанијата исто така се приклучи на Фејсбук и рече дека ќе бара американските работници што се враќаат во канцелариите да бидат вакцинирани.
Твитер го прекина своето отворање, затворајќи ги канцелариите во Сан Франциско и Њу Јорк.
Двете канцеларии на Твитер работеа со капацитет до 50% за персоналот што сакаше да се врати.