311
Движењето на стадо овци снимено од воздух, со дрон, стана голем хит на интернет.
Израелскиот фотограф Лиор Пател од Хаифа фотографираше стадо од 1.000 до 1.700 овци во текот на седум месеци, следејќи ги додека се преселуваа од зимско пасење на летно.
Снимени се со дрон, а видеото го следи движењето на стадото низ Долината на мирот во регионот Јокнем, на северот на Израел. Вака прикажани, тие изгледаат како река која се прилагодува на пречките со кои наидува, или како колонија мравки која брза да се подготви за зимата.
Овците минуваат околу седум километри, а за стадото се грижат овчари и овчарски кучиња, што може да се види и на видеото, пренесува Агроклуб.