Од опозициската ВМРО-ДПМНЕ денеска обвинуваат дека скапа и задоцнета е кампањата за вакцинација, која вчера ја промовираа премиерот Зоран Заев и министерот за здравство Венко Филипче.
„Освен за фашистички мерки, Заев и Филипче се махери за провизии, собирање пари. Сега преку кампањата за подигање на јавна свест за вакцинација против корона која чини 300 илјади евра одат во спроведување на својот следен коруптивно-криминален план. Поточно тоа тие го нарекуваат како „јавна набавка за услуги за осмислување и реализација на кампања од јавен интерес за успешна вакцинација и заштита на населението од КОВИД 19“. Но, ова е авансирање на средства за нивната политичка кампања за локалните избори. Или со оваа кампања на државата за поттикнување на граѓаните да се вакцинираат, всушност се авансираат средства за нивната политичка кампања за локалните избори.Меѓународниот фактор мора да знае за ваквиот обид на изборна корупција“, додаваат од ВМРО-ДПМНЕ.