Без претерување, уште еднаш сме сведоци на најлудиот и најбомбастичен преоден рок во историјата на фудбалот. Апсолутниот шок беше предизвикан од заминувањето на Меси од Барселона, со Џек Грилиш во Манчестер Сити го добивме најскапиот трансфер во историјата на англискиот фудбал, Кристијано Роналдо, како стојат работите, ќе му прави друштво, а Пари Сен Жермен, тврди пазарот, на крајот дефинитивно ќе го пушти Килијан Мбапе во Реал Мадрид. Неговото заминување во шпанската престолнина ќе донесе со себе уште една, не безначајна работа – доаѓањето на Ричарлисон во Париз.
Неговиот агент Џулијано Бертолучи, откако ги заврши обврските во Мадрид во врска со потписот на уште еден од неговите штитеници, Матеус Куња за Атлетико, пристигна во Париз, не помалку и не повеќе, туку на преговори со Насер Ал-Келаифи.
Со заработка од 180.000.000 евра (можеби и повеќе) од Килијан Мбапе, надоместокот за Ричардсон би бил речиси ситница од гледна точка на Парижаните, иако сумата помеѓу 50.000.000 и 60.000.000 (во рамките на која се движи пазарната вредност) не може да се смета за банална ..
Нејмар е исто така сериозен фактор во целата приказна, бидејќи е голем пријател со Ричарлисон. Заедно одиграа десетици натпревари за селекцијата на Бразил, за кои поранешниот фудбалер на Флуминенсе дебитираше во септември 2018 година, месец и половина откако Евертон го купи од Ватфорд за 39.200.000 евра.
Од своето деби, Ричарлисон забележа 32 настапи и десет гола и пет асистенции за Селесао со кого ја освои Копа Америка во 2019 година и неодамна завршениот турнир на Летните олимписки игри.