Познато е колку Кристијано Роналдо се грижи за своето тело и здравје. Тој тренира во просек по осум часа дневно и се подредува на фактот дека дури и на 36 -годишна возраст, изгледа како млад човек на теренот.
Тајните на неговата исхрана ги откри италијанскиот готвач Џорџо Бароне. Тој ја напушти својата работа на Сицилија во 2018 година и отиде да готви за Роналдо, кој потоа се пресели во Торино поради трансфер во Јувентус. Бароне живееше со Роналдо три години, а сега Португалецот се пресели во Манчестер.
„Треба да се грижиш за телото како да е Ферари“, рече Бароне, а потоа продолжи.
„Се храни со здрава, органска и природна храна. Риба, пилешко, јајца, говедско, авокадо и црн ориз. Не недостасува зеленчук, салати, морски плодови и протеини, претежно од риба“.
Готвачот тврди дека најголемата тајна лежи во специјалното кокосово масло. Тоа е состојка која го штити и зајакнува имунолошкиот систем, го стимулира варењето и помага при согорување на маснотиите.
„Ја готвев неговата храна со кокосово масло. Важно е и да се пие многу прочистена вода“, додаде Бароне.
Бароне го истакнува следново: „Планот на Роналдо е комбинација од диета и напорни тренинзи. Одморот е неговиот основен план, тој одмара дури и попладне“.
За Роналдо како човек, Бароне рече:
„Тој е шампион за секого. Одличен човек, одличен татко и семеен човек“.