Белорусија купува оружје од Русија во вредност од повеќе од милијарда долари

Претседателот на Белорусија, Александар Лукашенко, изјави дека Минск има намера да купи оружје од Русија вредно повеќе од милијарда долари, пренесува „Бета“.

Лукашенко рече дека Белорусија преговара со Москва за купување на ракетни одбранбени системи С-400, пренесе Ројтерс.

Тој ја следеше големата руско-белоруска воена вежба „Запад 2021“, која исто така се изведува на локации во близина на границите со членките на ЕУ и НАТО, што предизвика немири во Украина и Полска.

– Ова е една од најважните обуки за вооружените сили, која се одвива за време на хибридната агресија на Западот врз Белорусија и Русија – рече Лукашенко.

Рускиот претседател Владимир Путин негира дека вежбата „Запад 2021“ е насочена против странска сила.