Асад се сретна со Путин во ненајавена посета на Москва

Сирискиот претседател Башар ал Асад се сретна со рускиот претседател Владимир Путин во Кремљ за време на ненајавената посета на Москва.

Путин му го честиташе неодамнешниот роденден на Асад, како и победата на претседателските избори. Претседателот на Русија оцени дека главниот проблем е присуството на странски војници во некои делови на Сирија без одлука на Обединетите нации, што, како што посочи, е спротивно на меѓународното право.

Рускиот претседател додаде дека обезбедиле вакцини „Спутник“ и „Спутник лајт“ за Сирија за борба против корона вирусот.

Асад пак посочи дека одредени земји имаат деструктивно влијание врз можноста за политички процеси во Сирија. Тој ги окарактеризира санкциите против Сирија како „нехумани и нелегитимни“.