Кристијано Роналдо заигра за Манчестер Јунајтед во саботата по 12 години. Во четвртото коло од Премиерлигата, Јунајтед го пречека Њукасл, а Роналдо играше во првите 11 и веднаш постигна два гола во победата од 4-1.
Повратникот на „Олд Трафорд“ веднаш се наметна во новата соблекувална како лидер.
„Кристијано крева се нагоре и ги принудува своите соиграчи да бидат концентрирани. Тој прво го бара тоа од себе, а потоа и од соиграчите и сите нас“, изјави менаџерот на Јунајтед, Оле Гунар Солскјер, во саботата по натпреварот.
„Сан“ пишува дека Роналдо одржал воведен мотивациски говор пред Њукасл. Тој побарал од своите соиграчи посветеност и напор.
„Говорот на Роналдо беше многу силен и возбудлив. Целата група играчи и стручниот штаб го слушаа во тишина. Тој им рече на соиграчите: „Се вратив во Јунајтед од две причини. Првата е затоа што го сакам клубот. Втората е дека го сакам победничкиот менталитет кој се чувствува во редовите на овој тим“, пишуваат медиумите на Островот.
Тие тврдат дека Роналдо им го кажал ова на соиграчите:
„Не се вратив да бидам навивач. Ако сакате да успеете, треба да го сакате овој клуб со сето свое срце. Треба да јадете, да спиете и да се борите за овој клуб. За да играте или не, треба да поддржувате вашите соиграчи и секогаш давајте 100 проценти за клубот“.
Еден од најдобрите фудбалери на сите времиња поминал долг пат во преговорите со Манчестер Сити, но потоа на последниот ден од преодниот рок сензационално го избра својот нивниот ривал.
Така, на 36 -годишна возраст се врати во Јунајтед, кој му плати отштета од 15 милиони евра за Јувентус.
Роналдо првпат дојде на „Олд Трафорд“ во 2003 година од Спортинг Лисабон како 18-годишник и таму остана шест години, пред да замини во Реал за 94 милиони евра.