Новавакс и нејзиниот партнер, Серумскиот институт во Индија, ја пријавиле вакцината за Ковид -19 на Светската здравствена организација (СЗО) за да бидат вклучени на списокот за итни случаи, соопшти компанијата.
Списокот на СЗО за итни вакцини е сигнал до националните регулаторни агенции кога станува збор за безбедноста и ефикасноста на производите.
Исто така, тоа е предуслов за извоз на вакцината во неколку земји кои учествуваат во глобалната програма за дистрибуција на вакцини Ковакс.
Новавакс и Институтот Серум, најголемиот производител на вакцини во светот, се обврзаа заеднички да достават повеќе од 1,1 милијарда дози на Ковакс, што сака земјите со ниски и средни приходи да имаат еднаков пристап до вакцини.
Вакцината Новавакс е од протеински тип и покажа ефикасност од 90,4 проценти во испитувањата во САД и Мексико.