Кандидатката за градоначалничка на Скопје, Данела Арсовска се уште не се огласила во медиумите во врска со обвиниувањата од страна на СДСМ дека е бугарска државјанка.
Пратеничката на СДСМ, Славјанка Петровска, попладнево, на прес-конференција, објави документ од бугарското Министерство за правда, како доказ дека Арсовска, пред околу една деценија, се стекнала со бугарско државјанство, за што указот го потпишал вицепретседателот на Бугарија.
Од ВМРО-ДПМНЕ, иако велат дека Арсовска е независна кандидатка, излегоа со демант.
Тие велат дека не е првпат СДСМ, како што наведуваат, да мавта со лажни обвинувања за бугарски пасоши.
„Ваквата црна кампања досега е незапаметена и таа е последица на стравот од пораз на Шилегов и Заев. СДСМ дрско лаже и манипулира за наводен бугарски пасош на Данела Арсовска. Во целост ги демантираме ваквите невистини и ниту една црна кампања, вклучително и таа во која вмешуваат членови на потесното семејство на Арсовска нема да им помегне да го одбегнат поразот“, истакнуваат од Белата палата.