Американскиот владин панел синоќа гласаше за давање на вакцината Фајзер/Бионтек на деца на возраст од пет до 11 години.
Експертите од Администрацијата за храна и лекови (ФДА) го поддржаа потегот и побараа итно одобрување во рок од неколку недели.
Компанијата во септември соопшти дека нејзините тестови покажале дека вакцината против коронавирус е безбедна за децата од таа возрасна група.
Соединетите Американски Држави веќе ја даваат оваа вакцина на оние кои имаат 12 и повеќе години. Последната одлука погодува околу 28 милиони американски деца.
Советодавниот комитет на ФДА за вакцини и сродни биолошки производи во вторникот утврди дека придобивките од земањето на вакцината ги надминуваат ризиците.
Се очекува ФДА да ги одобри наодите на комитетот, отворајќи го патот за директорот на ЦДЦ да препорача вакцинирањето да започне на почетокот на следниот месец.