Поранешната блиска соработничка на Хилари Клинтон, Хума Абедин, во своите мемоари напиша дека била сексуално нападната од американски сенатор.
Абедин во книгата наведува дека неименуван политичар ја нападнал во средината на 2000-тите откако ја поканил во неговата куќа, каде се обидел да ја бакне, а таа го одбила и побегнала, пренесува Гардијан.
Според британскиот весник, ова тврдење е детално опишано во нејзината нова книга, која ќе биде објавена следната недела. Книгата опишува сексуален напад додека таа зборува за нејзината работа за Хилари Клинтон, кога таа беше американски сенатор за Њујорк, меѓу 2001 и 2009 година, а Абедин, која сега има 45 години, не го открива идентитетот на сенаторот, ниту неговата партија.
Таа во книгата го опишува и нејзиниот гнев кон нејзиниот поранешен сопруг, поранешниот њујоршки конгресмен Ентони Вајнер, чија кариера е уништена од секс скандали.
Абедин беше една од најдоверливите соработници на Хилари Клинтон, која беше американски државен секретар во администрацијата на Обама, и која еднаш ја опиша како нејзината „втора ќерка”.