Поранешната американска државна секретарка Хилари Клинтон предупреди во пост на „Х“ дека секој глас даден за Доналд Трамп во изборната трка за претседател на САД всушност е глас за рускиот претседател Владимир Путин.
„Секој ден станува се појасно: гласот за Трамп е глас за тимот на Путин“, напиша Клинтон на социјалната мрежа „Х“.
Постот на Клинтон доаѓа како реакција на изјавата на унгарскиот премиер Виктор Орбан дека Трамп нема да ѝ дава пари на Украина ако повторно биде избран за претседател на САД.
It’s becoming clearer every day:
A vote for Trump is a vote for Team Putin.https://t.co/3ZlkpzuAGW
— Hillary Clinton (@HillaryClinton) March 12, 2024
Во меѓувреме, „Дејли мејл“ објави дека Клинтон ќе се вклучи во напорите за собирање средства за претседателската кампања на Бајден во договор со актерот и текстописец Лин-Мануел Миранда.
Според британскиот таблоид, Клинтон планира „специјална изведба на Бродвен на Suffs: the musical на 3 април за собирање средства за претседателскиот заедничкиот комитет за собирање средства Biden Victory Fund и за Women’s Leadership Forum.
Билетите за изведбата на Тајмс Сквер ќе чинат меѓу 500 и 5.000 долари.
Клинтон претходно минатата година одржа донаторска забава за Бајден во својот дом во Џорџтаун, а во 2020 година собра милиони долари за Бајден, кој тогаш беше претседателски кандидат.