Во моментов тече собирањето потписи за петиција за исплата на субвенција од 3.000 евра на пензионерите. Според германските медиуми, социјално здружение веќе собрало 16.000 потписи.
Сè поинтензивна е дебатата за недостигот на дополнителни пари за постарите луѓе во Германија како компензација за зголемените трошоци за живот. Додека работниците и поранешните државни службеници имаат корист од исплата на специјална премија од 3.000 евра, постарите лица досега беа изоставени од овој план.
Социјалното здружение на Германија (SoVD) бара субвенција од 3.000 евра за постарите граѓани, пишуваат германските медиуми.
Минатата година имаше жестока дебата за правична премија за да се компензира инфлацијата. Додека работниците и поранешните државни службеници добиваа бонуси до 3.000 евра, пензионерите не беа земени предвид. Но, Социјалното здружение на Германија (SoVD) не се откажува и покрена петиција за да ги принуди политичарите да направат нешто.
Претседателот на социјалното здружение нагласи дека во последните месеци речиси ниту една тема не допрела толку многу луѓе како барањето за правичен надоместок за пензионерите.
И покрај успешното колективно договарање и ослободените даночни бонуси за работниците, пензионерите досега беа запоставени. Петицијата SoVD веќе собра над 16.000 потписи и ќе трае до крајот на мај. Во различни сојузни држави, петицијата е поддржана од широка група социјални партнери, вклучувајќи ги и синдикатите како IG Metall и Verdi, како и VdK и AWO.
Во рамки на третиот владин пакет помош, беше одлучено на граѓаните да им се исплати инфлациски надомест во износ од 3.000 евра за време на енергетската криза.
Работодавачите можат да плаќаат бонуси без данок на своите вработени до крајот на 2024 година, но пензионерите се уште не се земени предвид. Досегашните покачувања на пензиите многумина граѓани ги сметаат за недоволно бидејќи не се усогласени со поскапувањето на живот.
Петицијата сега се разгледува во Бундестагот за да се утврди нејзината легитимност. Доколку комитетот ја поддржи петицијата, владите исто така мора да одговорат на неа. Сепак, останува под знак прашалник дали политичарите ќе ги исполнат барањата на пензионерите.