По објавата дека компанијата Фејсбук го менува името во Мета, следеше општа хајка на незадоволни корисници на социјалните мрежи. Додека некои објавија хумористични мемиња со исмејување на промената на името, други упатија сериозни обвинувања против платформата.
Ко-основачот и извршен директор на Фејсбук, Марк Закерберг изјави дека Мета ќе ја вклучи оваа социјална мрежа и други апликации како Инстаграм, Ватсап и апликацијата за виртуелна реалност Окулус, пишува Гардијан.
„Ја најавуваме Мета – новото име на компанијата Фејсбук. Целта помага да се изгради метаверс, место каде што можеме да играме и да се дружиме 3D. Добредојдовте во следното поглавје на социјалните врски“, изјави технолошкиот гигант во твит.
Ребрендирањето доаѓа во време кога компанијата се соочува со низа јавни критики.
Announcing @Meta — the Facebook company’s new name. Meta is helping to build the metaverse, a place where we’ll play and connect in 3D. Welcome to the next chapter of social connection. pic.twitter.com/ywSJPLsCoD
— Meta (@Meta) October 28, 2021
Неодамна протечените бројни документи, сега познати како Фејсбук документи, го разоткрија внатрешното функционирање на компанијата, додавајќи ги наводите на свиркачот Френсис Хоген дека Фејсбук го ставил профитот пред спречување на говор на омраза и дезинформации на оваа платформа.
Една од најлајкуваните објави е меме-видеото со Закерберг во кое се зборува за овозможување на корисниците да уживаат во сцените што го инспирираат со помош на 3D очила и слушалки во нивната фотелја. Овој оптимистички монолог е прекинат со снимката од упадот во Капитол во јануари 2021 година и луѓето кои носат факели, со пораката на авторот дека милијардерот очигледно заборавил дека луѓето се „инспирирани“ од разни работи, понекогаш лоши и деструктивни.
Nobody asked for this new Facebook feature pic.twitter.com/18pHZUX3Ej
— The Daily Show (@TheDailyShow) October 28, 2021
Во полемиката за промена на името се приклучија и политичари од сите американски политички опции.
Александрија Окасио-Корте, прогресивна конгресменка од Њујорк, напиша дека не ги одобрува овие промени.
Meta as in “we are a cancer to democracy metastasizing into a global surveillance and propaganda machine for boosting authoritarian regimes and destroying civil society… for profit!” https://t.co/jzOcCFaWkJ
— Alexandria Ocasio-Cortez (@AOC) October 28, 2021
Други компании исто така одлучија да го следат Facebook и да го променат своето име. Компанијата за брза храна Вендис објави на Твитер отсега се нарекува Мит.
Changing name to Meat
— Meat (@Wendys) October 28, 2021
И Твитер реши да се пошегува.
BIG NEWS lol jk still Twitter
— Twitter (@Twitter) October 28, 2021
„Важна вест. Лол, се уште сме Твитер“, напишаа на официјалниот профил.