Таравари: Услов за ново мнозинство е почитување на Преспанскиот договор

Градоначалникот на Гостивар, Арбен Таравари, во дебатниот магазин „Click Plus“ на ТВ21, вели дека неговата партија ќе ги заземе директорските позиции во Скопје, кои ги имаше ДУИ со ВМРО-ДПМНЕ во периодот од 2013 до 2017 година.

Таравари вели дека , условот за ново мнозинство е почитувањето на Преспанскиот договор, а како што вели, лидерот на ВМРО-ДПМНЕ, Христијан Мицкоски нема проблем со тоа.

„Имаме наши услови. Сме разговарале со Мицкоски. Мицкоски нема забелешки за тоа. Преспанскиот договор мора да се почитува. Наш главен услов е интеграција на Македонија во ЕУ, и Преспанскиот договор секако“, порача Таравари.