ЉУБИТЕЛИТЕ НА КАФЕТО во иднина може да пијат кафе произведено во лабараторија, велат финските научници кои се надеваат дека успеале да одгледаат одржливо кафе.
„Тоа е навистина вистинско кафе затоа што нема ништо во овој производ освен – кафе“, вели Хајко Ришер, покажувајќи кон сад полн со кафеав прав.
Тој и неговите колеги од Финскиот институт за технички истражувања VTT веруваат дека со производството на овој вид кафе ќе се избегнат многу еколошки проблеми предизвикани од масовното производство на еден од најпопуларните пијалоци во светот.
Нивното кафе не се меле од зрна, туку се одгледува од група растителни клетки на кафе под строго контролирани услови во биореактор.
Кога се пече, прашокот може да се подготви на ист начин како и обичното кафе.
За љубителите на кафе, вкусот на лабораториското кафе ќе биде пресуден за неговиот успех, но засега само специјално обучени дегустатори имаат дозвола да го пробаат бидејќи легално е „нов вид храна“.
„Засега им е дозволено само да го вкусат и плукаат, не смеат да го проголтаат“, рече научникот Хеики Аисала, експерт за сензорна перцепција кој води група дегустатори како дел од финскиот проект.
„Во споредба со обичното кафе, клетката е помалку горчлива“, што може да се должи на малку помала количина на кофеин. Но, ние не сме професионални пржачи на кафе и знаеме дека многу вкусови се создаваат токму за време на тој процес“, додаде Ајсала.
Ришер верува дека ќе бидат потребни најмалку четири години пред кафето од лабораторијата да добие одобрение од регулаторот за комерцијална употреба.
Проектот би можел да биде важен и за самата Финска, која е меѓу водечките земји во светот во однос на консумацијата на кафе по глава на жител.
„Дефинитивно има многу ентузијазам овде за тоа“, рече Ајсала.