Водечкиот во генералниот пласман во Формула 1, Макс Верстапен беше казнет затоа што не ги почитувал жолтите знамиња за време на квалификациите за Големата награда на Катар.
Верстапен на трката за ГН на Катар наместо од второто ќе стартува од седмото место.
Да потсетиме, Холанѓанецот помина покрај двојни жолти знамиња во третиот сектор, каде Гасли излета, го оштети предното крило и ја дупна гумата, а потоа го извозе својот најдобар круг кој беше речиси половина секунда побавен од оној на Хамилтон.
Во пресрет на трката, Валтери Ботас исто така беше казнет затоа што не ја намали брзината за време на жолтите знамиња. Тој наместо од третото ќе стартува од шестото место.
Саинц, кој последен во низата од тројца возачи ја мина зоната со жолто знаме, остана неказнет.
Трката за Големата награда на Катар почнува од 15 часот.