Турската полиција вечерва во Истанбул го растури протестот против владината политика и зголемените трошоци за живот и уапси повеќе од 30 демонстранти.
Демонстрантите, главно членови на левичарски групи, почнаа да се собираат во истанбулскиот кварт Кадика, кој се наоѓа во азискиот дел на градот, кога интервенираше полицијата.
Демонстрантите побараа владата на претседателот Реџеп Таип Ердоган да поднесе оставка.
People in Ankara took to the streets in call for government’s resignation after Turkish lira crashed to historic low. pic.twitter.com/pAl5FEt5cd
— Gönül Tol (@gonultol) November 23, 2021
Повеќе од 30 лица се приведени, соопштија новинарите на Асошиејтед прес од местото на настанот.
Протестот доаѓа во време на зголемена инфлација која сериозно ја поткопа турската куповна моќ, високата невработеност и рекордниот пад на лирата по серијата намалувања на каматните стапки.
Од почетокот на годината турската валута загуби 70 отсто од вредноста.
Во исто време, цените на домашните суровини во Турција драстично паднаа во однос на споредливите цени во другите земји, при што турските трговци на мало се борат да одржат чекор со прилагодувањата на цените поради превирањата на пазарот.
Продажбата на повеќето производи на турската веб-страница на Apple е суспендирана, а на почетната страница на страницата пишува „во моментов недостапна“, според Ројтерс, додавајќи дека портпаролот на Apple во Турција не бил достапен за коментар.
Цените на телефоните и компјутерите се околу 10 отсто под домашните цени во САД по ненадејната депрецијација на лирата.
Минатата недела Централната банка ја намали каматната стапка, како мерка за стабилизација на валутата и инфлацијата, од 16 на 15 отсто.
Протести се одржаа и во Анкара и други турски градови, објави весникот Биргун.