Многу корисници обично не добиваат ни шанса да ги испробаат новите верзии на Android, па никој не треба да биде изненаден од фактот дека најкористената верзија на популарниот мобилен систем е онаа што излезе во 2019 година – Android 10.
Според табелата за дистрибуција на Google, Android 10 може да се најде на дури 26,5 отсто од уредите кои пристапиле до Play Store во период од седум дена, што ја прави најпопуларна верзија меѓу корисниците.
Android 11 малку заостанува, па може да се најде на 24,2 отсто од уредите, додека најновиот Android 12 не е ни вклучен во податоците на Google, кој според 9to5Google е стар најмалку три недели.
На трето место, очекувано е Android 9.0 Pie, кој го има на 18,2 отсто од уредите, потоа Oreo со 13,7 отсто и Nougat со 6,3 отсто. Назад сега се „прастарите“ Marshmallow, Lollipop, KitKat и Jelly Bean кои се користат заедно на помалку од 6 проценти од уредите.
Не е непознато дека Apple, барем во однос на софтверската поддршка, одамна надмина многу производители на паметни телефони со Android. Сепак, ситуацијата со Android 12 се чини дека полека, но сигурно се подобрува, па веќе може да се најде на серијата Galaxy S21 на Samsung и Pixels на Google.