Хиларија Болдвин (37) ја отвори душата на Инстаграм, откривајќи дека таа и Алек се соочуваат со предизвици по трагедијата што се случи за време на снимањето на „Рѓа“ кога познатиот актер ја уби Халина Хачинс, а го рани режисерот Џоел Соуза.
„Мојот сопруг моментално боледува од ПТСН. Тоа не е само поради тоа што се случи неодамна, тој страда од тоа многу, многу, многу долго време“, изјави Хилари, додавајќи дека медиумите и „троловите“ го провоцираат и сакаат да го вознемират.
Хилари ја коментираше и „темната страна“ на животот на познатите личности, откривајќи им на своите следбеници дека е тешко да се „игнорираат“ негативните коментари, пренесува People.
„Проблемот е што ако не кажете ништо, им давате простор да зборуваат за вас, а вашата тишина понекогаш им кажува дека можат да ја кажат вашата приказна наместо вас“, продолжи Хиларија.
Како што вели, невозможно е секогаш да се одговари на секоја глупост и лудост на луѓето на социјалните мрежи.
„Уморна сум од молчење и сакам да го искористам својот глас за да покажам дека не се соочуваат само познатите личности со ова. Секој има тролови, луѓе кои сакаат да ви кажат дали сте добри или лоши или што мислите или чувствувате. “, рече инструкторката по јога.
Нејзината изјава дојде во време кога Болдвин објави писмо од екипата на филмот „Рѓа“ во кое негира дека условите на сетот биле неизвесни и дека му претходеле на смртоносното пукање.