Новиот светски шампион во Формула 1 подготви вистинско уживање за своите фанови. Тој ќе го понуди својот личен автомобил на аукција.
И ова не е автомобил во кој никогаш не седел, туку автомобил што го користел секој ден. Очекувано, се работи за Honda Civic Type R со која се возел надвор од патеката. Автомобилот сега ќе биде понуден на аукција преку CarNext, кој го понуди уште пред да биде откриен самиот автомобил. Во секој случај, не треба да бидете детектив за да дознаете за кој автомобил се работи.
Се нудеше по цена од 33.333 евра, но веројатно ова е почетната цена по која ќе започне лицитацијата. Во овој случај очекуваме голем интерес и уште поголема финална сума бидејќи сигурно има многу фанови кои би сакале да го имаат ова парче историја.
А тука е и хуманитарната страна бидејќи сите средства ќе бидат донирани на хуманитарното здружение Wings for Life.
Но сега најголемото изненадување. Оваа 2018 Honda со 58.000 поминати километри е по многу нешта посебна и прилагодена на карактеристиките на пилотот во Ф1. Верувале или не, описот на автомобилот вели дека има погон на задните тркала. Ако не е грешка, ова може да биде многу интересно.
Автомобилот ќе биде претставен на 17 декември.