Се преврте брод со мигранти, има мртви

Пронајдени се телата на 10 жртви од денешното превртување на бродот што превезувал бегалци, соопштија поморските власти на Малезија.

Во соопштението се наведува дека 21 лице е спасено од вкупно 60, за кои се верува дека биле во бродот што утрово околу 4:30 часот се преврте во близина на брегот на државата Џохор на југот на Малезија, поради лошото време.

Преживеаните од бродоломот и бродот се пронајдени на плажата во Танјунг Балау, а Малезиската поморска агенција потврди дека се започнати операции за спасување и потрага по исчезнатите.