Јапонскиот милијардер се врати на Земјата по 12 дена на МВС

Јапонски милијардер кој помина 12 дена на Меѓународната вселенска станица (МВС) се врати на Земјата, соопшти руската вселенска агенција „Роскосмос“.

Јусаку Маезава, 46-годишен милијардер, неговиот помошник Јозо Хиноро и рускиот астронаут Александар Мисуркин паднаа со падобран во казахстанската степа околу 03.13 часот по Гринич, пренесе АФП.

„Туристичкиот лет на вселенското летало „СоЈуз МС-20“ е завршен“, се наведува на веб-страницата „Роскосмос“.

Двајцата Јапонци се првите туристи кои сами си го платиле патувањето.

Ова е прва туристичка посета на вселенската станица од 2009 година.

Цената на патувањето не е објавена.

Беше планирано Хиноро да ја сними целата мисија.