Samsung работи на нов флексибилен уред, со дисплеј кој може да се преклопи двапати и нуди три посебни дисплеи.
Сега се појави нов патент за овој уред, а има фотографии и детали кои ни даваат подобра претстава за тоа што можеме да очекуваме од идниот телефон „Tri Folding Galaxy“.
Според веб-страницата LetsGoDigital, Samsung поднел барање за патент за телефонот, со преклопување на екранот во формат „Z“.
Телефонот има три посебни екрани, кои можат да се отворат и да формираат голем, целосен дисплеј.
Покрај тоа, телефонот има две шарки, така што еден дисплеј се отвора навнатре, а еден нанадвор – сите три дисплеи ја создаваат гореспоменатата форма „Z“.
Наводно, овој телефон ќе има поддршка за паметното пенкало S Pen, камера под екранот, HDMI конектор и други функции.