Евра: Во секој клуб има најмалку двајца хомосексуалци

Поранешниот играч на Манчестер Јунајтед – Патрис Евра изјави дека секој тим има најмалку двајца играчи со хомосексуална ориентација, но се плашат да го кажат тоа јавно поради природата на фудбалскиот свет.

„Кога бев во Англија, ни донесоа маж да ни зборува за хомосексуалноста. Некои од моите колеги рекоа дека ова е против нивната религија и дека ќе го напуштат клубот доколку има хомосексуалец во соблекувалната. Им реков да молчат. Сум играл со геј играчи. Лице в лице ми кажаа, но беа премногу исплашени да зборуваат за тоа. Секој клуб има најмалку двајца хомосексуалци, но во светот на фудбалот, ако се каже така, тоа значи крај“, изјави Евра.