Првиот тенисер во светот Новак Ѓоковиќ го загуби случајот пред Федералниот суд на Австралија!
Според врховниот судија Џејмс Алсоп, одлуката на тричлената комисија била едногласна, а Новак Ѓоковиќ нема да има можност да настапи на Австралија опен и ќе биде депортиран од земјата.
Писмените причини за ваквата судска одлука ќе бидат објавени во наредните денови, а Србинот се огласи со кратка порака.
… to dismiss my application for judicial review of the decision to cancel my visa, which means I cannot stay in Australia and participate in the Australian Open.
I respect the Court’s ruling and I'll cooperate with the relevant authorities in relation to my departure from Aus— Paul Sakkal (@paulsakkal) January 16, 2022
– Би сакал да дадам кратка изјава за да ги сумираме настаните во судот денеска. Ќе одвојам малку време да се одморам и да соберам енергија, пред да дадам дополнителен коментар за сето ова, се наведува во изјавата на Новак и додава:
– Крајно сум разочаран од одлуката на судот да ми го одбие барањето за судско разгледување на одлуката на министерот да ми ја укине визата, што значи дека не можам да останам во Австралија и да учествувам на Австралија опен. Ја почитувам одлуката на судот и ќе соработувам со надлежните органи во однос на моето депортирање од земјата. Не сум задоволен што фокусот во изминатите недели беше на мене и се надевам дека сите сега ќе се концентрираме на играта и турнирот што го сакам.
"Finally, I would like to thank my family, friends, team, supporters, fans and my fellow Serbians for your continued support. You have all been a great source of strength to me" @theage https://t.co/R4pPYm1BYg
— Paul Sakkal (@paulsakkal) January 16, 2022
Ѓоковиќ им се заблагодари на сите кои беа со него во оваа борба.
– Би сакал да им посакам на играчите, официјалните лица на турнирот, персоналот, волонтерите и навивачите се најдобро на турнирот. Конечно, им благодарам на моето семејство, пријателите, тимот, навивачите, моите драги Срби за нивната континуирана поддршка. Сите вие бевте голем извор на сила за мене, заврши Ѓоковиќ.