345
Аргентинецот Хуан Мартин дел Потро, поранешен треторангиран тенисер, се враќа на тенисот по две и пол години отсуство на АТП турнирот 250 во Буенос Аирес (7-13 февруари), соопштија организаторите во понеделникот.
33-годишниот Дел Потро нема играно од Квинс 2019 година, каде го повреди коленото.
Оттогаш имаше четири операции , вклучувајќи ја и последната во 2021 година, која го оддалечи од терените долго време и го спушти на 757. место во светот.
Во последните недели „Делпо“ на социјалните мрежи изрази желба да се врати да игра во Буенос Аирес, а Аргентинецот следната недела ќе игра и на АТП 500 турнирот во Рио (14-20 февруари).