Цената на гасот во Европа се искачи на 975 долари за 1.000 кубни метри

Цената на гасот во Европа денеска се искачи над 970 долари за 1.000 кубни метри, покажуваат податоците на лондонската берза ICE.

Договори за снабдување со гас во март, т.н фјучерси, беа склучени во холандскиот TTF hab по цена од 975 долари за 1.000 кубни метри, што е 82,27 евра за MWh по актуелниот курс на еврото во однос на доларот, пренесe агенцијата ТАСС.

Цената на гасот поскапе за вкупно 2,6 отсто од отворањето на денешното тргување.