Принцот од Велс повторно доби позитивен резултат од ковид-тестирањето и е во самоизолација, потврдија од неговата резиденција.
Кларенс Хаус од резиденцијата на принцот Чарлс, на својот Твитер профил потврди дека 73-годишниот наследник на британскиот трон е во самоизолација, бидејќи е потврдено дека имал позитивен ковид-тест.
Веста за позитивниот тест стигна само неколку минути пред принцот да се појави на настан во Винчестер, на југот на Англија.
This morning The Prince of Wales has tested positive for COVID-19 and is now self-isolating.
HRH is deeply disappointed not to be able to attend today's events in Winchester and will look to reschedule his visit as soon as possible.
— The Prince of Wales and The Duchess of Cornwall (@ClarenceHouse) February 10, 2022
Медиумите потсетуваат дека ова е втор пат принцот Чарлс да биде позитивен. Првиот пат беше заразен во март 2020 година.
Од резиденцијата на принцот потврдија дека примил три дози од вакцината, но не навлегуваат во детали дали и какви симптоми има. Исто така, сè уште не е потврдено дали принцот неодамна ја видел својата мајка, кралицата Елизабета.