Манчестер Јунајтед мора да се бори за повеќе од место во топ 4, изјави голманот на тимот Давид де Хеа по победата од 2-0 над Брајтон.
Успехот беше постигнат со головите на Кристијано Роналдо и Бруно Фернандез, откако противникот остана со 10 луѓе на теренот.
Со победата Јунајтед го престигна Вест Хем на четвртото место со 43 бода од 25 натпревари, иако шестиот Арсенал, кој заостанува 4 бода, има 3 натпревари помалку.
„Одлично е кога победувате, особено што бевме во серија од неколку нерешени. Многу сме среќни“, изјави шпанскиот голман кој одлично одбрани во првото полувреме при 0-0.
„Мораме да се бориме за нешто повеќе од топ 4, но тоа е реалноста. Има многу тимови кои се борат за првите места, но со нашиот квалитет мораме да освоиме повеќе бодови“, додаде тој.