Менаџерот на Ливерпул, Јирген Клоп, изјави дека му е поважно да го одржува својот тим во одлична форма отколку колку е голема разликата со Манчестер Сити на врвот во англиската Премиер лига. Тоа го направи по убедливата победа од 6-0 над Лидс.
„Искрено, ние не го бркаме Сити“, изјави Клоп. „В недела имаме финале за Лига купот, а Сити ќе игра и веројатно ќе победи, па разликата повторно ќе биде 6 бода. Не сум сигурен дека ќе имаме натпревар пред нив, па нивното водство може да се зголеми на 9 бода. Треба само да ги добиваме нашите натпревари и да бидеме во одлична форма“, изјави Германецот.
„Ние сме добар фудбалски тим и сакаме да бидеме успешен тим“, скромно изјави Клоп.
„Многу ми се допадна како нè поддржуваше целиот стадион и како бевме како тим. Толку многу работи се случуваат само поради навивачите“, изјави Клоп.