Кошаркарскиот клуб ЦСКА Москва излезе со соопштение во кое потврди дека двајца кошаркари – Торнике Шенгелија, Ифе Лундберг ја напуштиле Москва, а во блиска иднина истото ќе го сторат и Мариус Григонис и Јоханес Фојтман.
Поради притисокот од нивните земји, Грузиецот, Данецот, Литванецот и Германецот, но и поради, како што наведоа, безбедноста на нивните семејства, решиле да ја напуштат Москва, со што ги прекршиле договорите.
„Од лични причини, поврзани со моменталната ситуација меѓу Русија и Украина, ЦСКА ја напуштикја Торнике Шенгелија и Ифе Лундберг. Мариус Григонис и Јоханес Фојтман во блиска иднина ќе се вратат во татковината.
На тој начин ги прекршија договорите и прописите, но клубот со разбирање се однесува кон личната состојба на секој од играчите. Статусот на кошаркарите ќе биде решен кога ќе се нормализира политичката и спортската ситуација во Европа“, се вели во соопштението на Московјаните.
CSKA officially confirmed that 4 players are going home:
Tornike Shengelia
Marius Grigonis
Iffe Lundberg
Johannes Voigtmann“The status of agreements with players will be resolved when the political and sports situation in Europe normalizes,” per official announcement.
— Donatas Urbonas (@Urbodo) February 27, 2022
Од прославениот руски клуб изјавија дека останатите кошаркари и членови останале во клубот и дека се подготвуваат за натпреварите кои следат по нивниот распоред.
Засега единствено се знае дека руските клубови нема да играат домашни натпревари пред своите навивачи, односно на територијата на својата земја.