За време на руското гранатирање на вториот по големина украински град Харков, словенечкиот конзулат е уништен како „колатерална дипломатска штета“, објави на Твитер шефот на делегацијата на ЕУ во Украина, Мати Масикас. Од Министерството за надворешни работи на таа земја за „Н1 Словенија потврдија дека конзулатот е уништен, но немаа повеќе информации.
Шефот на делегацијата на ЕУ во Украина, Мати Масикас на Твитер објави дека словенечкиот конзулат е уништен како „колатерална дипломатска штета“ во денешниот руски напад врз Харков.
The Slovenian Consulate in Kharkiv was destroyed as a "collateral diplomatic damage" as well. pic.twitter.com/gFpQqX7tQK
— Matti Maasikas (@MattiMaasikas) March 1, 2022
Министерството за надворешни работи на Словенија подоцна на својот Твитер профил го осуди нападот како „невиден чин на Руската Федерација и агресија врз Украина“.
Žal smo bili obveščeni, da je bil v enem izmed vojaških napadov na mesto Harkov uničen tudi konzulat Republike Slovenije 🇸🇮 v Ukrajini 🇺🇦. Obsojamo to nezaslišno dejanje Ruske federacije in agresijo nad Ukrajino.
#WeStandWithUkraine pic.twitter.com/ncSlXIPOFE— MFA Slovenia (@MZZRS) March 1, 2022
Сите претставници на Словенија веќе се евакуирани од Украина.
Да потсетиме, руската армија утрото изврши воздушен напад врз вториот по големина украински град Харков. Според досегашните податоци, во нападот загинале најмалку десет лица, а повеќе од 35 се повредени.