Радио Слободна Европа (РСЕ/РЛ) ја прекинува работата во Русија.
Во соопштението се наведува дека рускиот сервис на РСЕ се соочува со стечајна постапка и дека неговите новинари се под притисок на полицијата.
„Со најдлабоко жалење го објавувам денеска прекинот на нашите физички операции во Москва. Ова не е одлука донесена од РСЕ сама по себе, туку одлука што ни ја наметна нападот на режимот [Владимир] Путин врз вистината“, рече генералниот директор Џејми Флај.
Сервисот ќе продолжи да се обидува да допре до руската публика користејќи ја „секоја можна платформа“, додаде тој.
Неколку медиумски организации, вклучително и Би-Би-Си, беа принудени привремено да ја прекинат работата на нивните новинари во Русија како одговор на новиот закон со кој се заканува затворање на сите за кои владата верува дека шири „лажни вести“ за руските вооружени сили.
РСЕ/РЛ, која емитува програма во Русија од 1953 година, соопшти дека ќе продолжи да известува за инвазијата на Украина надвор од Русија.