Откако британските власти ги блокираа сметките на Роман Абрамович, почнаа да се натрупуваат проблеми во неговиот Челси.
Познато е дека до понатамошно известување Челси не може да потпише со нови играчи, да ги продолжи договорите со сегашните, а нема да може ниту да продава билети за претстојните натпревари. Британските власти ја отворија вратата за грст блокади кои се случуваат во клубот, а кои не се исклучиво поврзани со самите договори, односно финансии.
Низ целиот циркус почнаа да се појавуваат сериозни шпекулации за заминување на играчите. Извесно е дека Антонио Рудигер, Андреас Кристенсен, Цезар Аспиликуета и Маркос Алонсо, чии договори истекуваат на лето, ќе го напуштат клубот по истекот на договорите во јуни.
Сепак, не се единствените, прашање е кој ќе ги плати драгоцените играчи кога клубот веќе нема да може да добива пари од спонзори и продажба на билети, а да не зборуваме дека нема да добиваат од сопственикот Роман Абрамович чиј имот е замрзнат.
Италијанците пишуваат дека Ромелу Лукаку ќе ја искористи новонастанатата ситуација и ќе се врати во Интер по една година, под сегашните околности, со оглед на тоа што Челси не може да продава играчи, а бидејќи не може ниту да ги плати, Лукаку би заминал под значително поповолни услови.
На крајот на краиштата, прашањето е кој воопшто ќе остане…