Поранешниот руски премиер Михаил Касјанов, кој беше на функцијата меѓу 2000 и 2004 година, не верува дека претседателот Владимир Путин е „сериозен“ во врска со мировните преговори и верува дека веројатно нема да понуди какво било решение за конфликтот „што би било пријатно за украинскиот народ “.
Покрај ветувањето за неутралност – што значи дека Украина нема да аплицира за членство во НАТО или ЕУ – Касјанов верува дека Путин ќе инсистира на „официјално признавање“ на Крим како дел од Русија.
„Ова е апсолутно клучно, г-дин Путин е луд по Крим“, изјави тој за „BBC World News“.
Касјанов изрази сомневање за каков било договор меѓу Украина и Русија, сугерирајќи дека на Русите им се дава само „време да се прегрупираат“.
„Мислам дека ќе продолжи да ја потиснува и зголемува инвазијата“, рече Касјанов.