Градоначалникот на Киев, Виталиј Кличко, ги повика западните сојузници да продолжат со испораката на оружје за Украина во нејзината војна против Русија. „Ве молиме да не поддржите“, рече поранешниот професионален боксер во саботата во интервју за италијанскиот весник „Кориере дела сера“.
Европските сојузници и НАТО беа повикани да испратат оружје за одбрана на воздушниот простор над Киев. „Ние сме способни да го затвориме сопствениот воздушен простор“, продолжи 50-годишникот. „Но, дефинитивно треба да го добиеме вистинското оружје.
НАТО постојано го отфрла наметнувањето на зона на забранети летови над Украина, стравувајќи дека тоа би можело да доведе до директен воен конфликт меѓу Русија и Западот. Според Кличко, Киев досега има регистрирано повеќе од 200 убиени цивили.
„Околу 2 милиони луѓе остануваат во градот“, рече тој.
„Не заборавајте дека ние ја браниме нашата земја, но во исто време ги браниме и основните вредности на европската демократија“, рече Кличко.
„Мојата порака е јасна: ве молам да престанете со какви било економски односи со Русија бидејќи Путин го користи секое евро за да ја зајакне својата армија која маршира кон нас“, рече тој.