Шолц го одби барањето на Путин гасот да се плаќа во рубљи

Германскиот канцелар Олаф Шолц го одби барањето на рускиот претседател Владимир Путин странските земји да купуваат руски гас во рубљи.

„Го разгледавме ова и она што досега го научивме е дека има фиксни договори кои предвидуваат дека плаќањата мора да се вршат во евра или долари“, рече Шолц на прес-конференција по самитот на Г7 во четвртокот во Брисел.

„И тоа е она што е важно“, додаде тој, а пренесува Политико.

Потегот на Путин нашироко се сметаше за начин да се поддржи неговата валута, која пропаѓа под западните санкции, и потенцијално да се избегнат санкциите.