Економските податоци од пописот ќе бидат објавени до крајот на јуни, информира директорот на ДЗС, Апостол Симовски.
Тој рече дека не забележува на никому ништо околу реакциите.
-Не би ни дошол во емисии ако забележувам некому нешто. Тоа се спроведени и конкретни методи, податоците за возраста се точни, произлегуваат од матичниот број, има нешто што не е опфатено, но треба да внимаваме. Премногу е голема бројката од 26.000 деца што не посетуваат образование, како што велите вие. Секогаш кога правиме брзи анализи можеме да погрешиме. Да ја сочекаме табетата по посетување училишта и возраст, па ќе разговараме конкретно. Сега може да ви се даде лажна слика. Не сум ги видел економските бројки. Ова не е едноставна работа. Во пописот во 2002 година, година дена се публикуваа податоците. Јуни не е долг период. Ќе сочекаме ќе ги објавиме и економските и образовните податоци, одговори Симовски на поставено прашање на Дневникот на ТВ Сител.