Украинците објавија список на руски војници, тврдат дека се виновни за злосторствата во Буча

Украинските разузнавачки служби објавија список во кој се тврди дека се имиња на руски војници „кои извршиле воени злосторства против народот на Украина во Буча“.

Списокот е објавен на веб-страницата на Министерството за одбрана и содржи имиња, датуми на раѓање и броеви на пасоши, како и чинови на околу 2.000 војници.

„Воените злосторници директно вклучени во извршувањето на воените злосторства против украинскиот народ во Буча“, напишаа тие, објавувајќи ги, како што велат членовите на 35-та посебна моторизирана пешадиска бригада на 35-та армија.

Покрај тоа, стои и пораката: „Запомнете! Сите воени злосторници ќе бидат изведени пред лицето на правдата за злосторства извршени врз цивилното население на Украина“, пренесува Би-би-си.