Претседателот на Европскиот совет, Шарл Мишел изјави дека земјите-членки на Европската унија треба да размислат за начините да им понудат азил на руските војници кои се подготвени да ја напуштат војната во Украина.
Во средата Мишел изрази „огорченост поради злосторствата против човештвото врз невините цивили во Буча и многу други градови“ во Украина.
Тој ги повика руските војници да не извршуваат наредби.
„Ако не сакате да учествувате во убиството на вашите браќа и сестри од Украина, ако не сакате да бидете криминалци, фрлете го оружјето, престанете да се борите, напуштете го бојното поле“, рече Мишел во говорот пред Европскиот парламент.
Поддржувајќи ја идејата претходно спомената од некои европратеници, Мишел додаде дека давањето азил на руските дезертери е „вредна идеја што треба да се следи“.