Киев ќе ги преименува улиците кои имаат врски со Русија

Градоначалникот на Киев, Виталиј Кличко, најави дека улиците и плоштадите во главниот град на Украина, чии имиња се поврзани со Русија, ќе бидат преименувани.

Тој рече дека ќе го преименува Плоштадот на пријателството меѓу Киев и Москва во Плоштад на хероите на Мариупол.

Покрај имињата на улиците и плоштадите, ќе се менуваат и имињата на подземните станици.

Според Кличко, поранешниот киевски плоштад на пријателството меѓу Киев и Москва ќе биде преименуван во „Херојот на Мариупол“.

Според украинскиот сервис на Би-Би-Си, идејата за преименување на железничката станица во Киев била разговарана пред инвазијата на Русија, во контекст на влошените односи меѓу двете земји.