Никој не знае кога Роналдо ќе се врати на терените

Кристијано Роналдо е ослободен од Манчестер Јунајтед за период за кој смета дека е погоден, информира „Дејли мејл“.

Поради трагедијата со неговиот син, кој почина при раѓањето, клубот го ослободи да биде меѓу неговите најблиски. Напаѓачот не беше во групата за последниот натпревар против Ливерпул и не е јасно кога ќе се врати.

Непријатното за тимот е што во следните осум дена ги очекува уште два тешки натпревари – против Арсенал и Челси.

Засега никој не прогнозира кога CR7 ќе биде подготвен повторно да биде на теренот.

Во меѓувреме, Јунајтед продолжува да тоне и квалификациите за Лигата на шампионите изгледаат сè поневеројатно.