Кралицата Елизабета Втора денеска ќе го прослави својот 96-ти роденден во тесен круг во Сандрингам, замок во округот Норфолк, каде што уживаше во семејните средби со војводата од Единбург.
По тој повод, организаторите на Кралското шоу за коњи во Виндзор објавија фотографија од Кралицата направена минатиот месец во замокот Виндзор, објави Скај њуз.
Се очекува британската кралица да го помине денот во вилата „Вуд Фарм“ . Таа беше таму и на првиот Божиќ по смртта на принцот Филип во април 2021 година.
Тереза Томпсон (70), домаќинка на „Вуд Фарм“, се довери по разговор со Кралицата пред некој ден: „Целото кралско семејство ја сака „Вуд Фарм“ затоа што е далеку од патот, мала е, некако интимна, пријатна. Нема многу луѓе, само близок персонал. И тие може буквално да се релаксираат во семејниот дом. Прекрасно е, јас таму поминав прекрасни 22 години, тоа беше најдобриот период во мојот живот без сомнение“.
96-тиот роденден на Елизабета Втора беше прославен и со кукла Барби со нејзиниот изглед. „Мател“ објави ограничен број на играчки кралици. Таа е во елегантен фустан од слонова коска и сина лента со украси и круната што ја носеше на нејзината венчавка.
И британската кралица Елизабета Втора годинава ја одбележува 70-годишнината од стапувањето на тронот. Официјалната прослава на годишнината е закажана за почетокот на јуни и ќе трае четири дена.
Откако се опорави од Ковид-19 претходно оваа година, Елизабета Втора значително ги ограничи своите јавни настапи, објаснувајќи дека има потешкотии да се движи.
На почетокот на пандемијата, таа се повлече во замокот Виндзор, на околу 40 километри од Лондон, каде сè уште е поголемиот дел од времето.
Престолонаследникот Чарлс присуствува на повеќе од официјални ангажмани.